Synopsis "La Kanada Verkaro"
La Kanada Verkaro estas antaŭ ĉio antologio de noveloj, rakontoj kaj legendoj el la literaruroj angla, franca, kaj indiĝena de Kanado ek de 1789 ĝis 2007. Jen kelkaj de la aŭtoroj: Francis Brooke, L. Frechette, Jessie Georgina Sime, Stephen Leacock, Morley Callaghan, W.O. Mitchell, Mitiarjuk Nappaaluk, Michal Tremblay, kaj Marc Fisher.Tamen estas multe pli ol tio. En ĝi vi trovos Beletran Bukedon de poemoj de famaj poetoj kiel Pauline Johnson, E.J. Pratt, Al Purdy, Emile Nelligan, Earl Birney, Lorna Crozier, kaj Patrick Lane. Tie vi ankaŭ trovos lirikajn mesaĝojn de tribestro kaj kineja aktoro Dan George kaj fama, tamen, anonima indiĝena rakonto pri muso, rano, bizono kaj lupo de 'testuda insulo, ' termino indiĝena por NordAmeriko. La fabela rakonto estas tia ke estas ĝuinda kaj por infanoj kaj plenkreskuloj. Abundo da surprizoj altvaloraj atendas vin.En la fino de la verko estas sekcio kies nomo estas Krestomatio. Tie vi trovos gravan eseon de Mark Fettes kun la titolo Indiĝenaj lingvoj kaj la streboj al daŭripovo, kaj la unuan ĉapitron el eminenta libro pri la historio de Kanado de Peter H. Russell, La Odiseado de Kanad
